24, აპრილი 2019 17:10:00
ბათუმის მერიამ ქალაქის გენერალური გეგმის შემუშავებისათვის კონკურსის პირობები ხარვეზით გამოაცხადა -ამის შესახებ ალეკო ელისაშვილის სამოქალაქო მოძრაობის წევრმა განაცხადა. გენრი დოლიძის განმარტებით, მილიონ ასი ათას ლარზე მეტი თანხა ბიუჯეტიდან გამოიყო პროექტის შესრულებისათვის, რაც კონკრეტულ კომპანიაზეა მორგებული. კონკურსი ძველი კანონმდებლობის შესაბამისად, არის გამოცხადებული და თანხა არამიზნობრივად უნდა დაიხარჯოს. სამოქალაქო მოძრაობის წარმომადგენელმა ბათუმის მერიის წინააღმდეგ შესყიდვებისა და ტენდერების ელექტრონულ სისტემაში საჩივარი შეიტანა.