30, აპრილი 2019 17:12:00
ელექტრომობილების მფლობელები ბათუმის ბულვარში აქციას კვლავ განაგრძობენ. მოთხოვნა უცვლელია, მცირე მეწარმეები ხელისუფლებას იმ გადაწყვეტილების გადახედვას სთხოვენ, რომლის მიხედვითაც ხვალიდან ზღვისპირა პარკში ელექტრომობილების, მოტოციკლებისა და კვადროციკლების გადაადგილება იკრძალება. ისინი მთავრობის თავმჯდომარესთან შეხვედრას ელოდებიან, რომელიც სავარაუდოდ დღის მეორე ნახევარში შედგება. შეგახსენებთ რეგიონის პირველი პირი მათ რამდენიმე დღის წინ შეხვდა, თუმცა მხარეებმა შეთანხმებას ვერ მიაღწიეს.