17, მაისი 2019 20:38:00
„ბათუმის ბულვარი, წარსული და თანამედროვეობა“ - შოთა რუსთაველის სახელმწიფო უნივერსიტეტისა და ბათუმის ბულვარის თანამშრომლობის ფარგლებში პირველი სამეცნიერო კონფერენცია გაიმართა . მკვლევარებმა სესიაზე მოხსენებები წარადგინეს ბათუმის ბულვარის ისტორიის, განაშენიანების, ბიომრავალფეროვნების, სამართლებრივი რეგულაციების და განვითარების აქტუალურ საკითხებზე. სამეცნიერო კონფერენციის ფარგლებში, უნივერსიტეტის ჰოლში მოეწყო ძველი და ახალი ბულვარის წარსულის და თანამედროვეობის ამსახველი ფოტოგამოფენა.