24, მაისი 2019 17:06:00
ბათუმში, ადგილობრივი და უცხოური ბიზნესის წარმომადგენლებთან შეხვედრა გაიმართა. შევხედრაზე აჭარის მთავრობის თავმჯდომარემ სტუმრებს რეგიონის საინვესტიციო პოლიტიკა გააცნო. თორნიკე რიჟვაძემ ეკონომიკური ზრდის მაჩვენებელზე ისაუბრა და ყურადღება მცირე და საშუალო ბიზნესის განვითარებაზე გაამახვილა. მომხსენებლებმა, ღონისძიებაზე ხელვაჩაურის, გომარდულისა და ციხისძირის განვითარების პერსპექტივებსა და არსებულ პოტენციალზე მიაწოდეს ინფორმაცია. რეგიონის საინვესტიციო პოტენციალის კვლევის, მიმდინარე და დაგეგმილი ინფრასტრუქტურული პროექტების შესახებ პრეზენტაციებიც გაიმართა. შეხვედრას 600-ზე მეტი სტუმარი ესწრებოდა.