გიორგი ქართველიშვილი პარლამენტის წინააღმდეგ - საკონსტიტუციო სასამართლო მსჯავრდებული მოქალაქის სარჩელის არსებით განხილვას იწყებს. მოსარჩელე კონსტიტუციასთან შეუსაბამოდ მიიჩნევს სისხლის სამართლის კოდექსის 378-ე მუსხლის იმ ნაწილს, რომელიც პატიმრის მიერ სასჯელაღსრულების დაწესებულების თანამშრომლისადმი მრავალჯერ დაუმორჩილებლობის შემთხვევაში, რვიდან ათ წლამდე თავისუფლების აღკვეთას ითვალისწინებს. მოსარჩელის აზრით, სადავო ნორმა მკაფიო არ არის და იგი ინტერპრეტაციის საშუალებას იძლევა, რის გამოც შესაძლებელია მსუბუქი ხასიათის დაუმორჩილებლობის შემთხვევაშიც ბრალდებულს მაქსიმალური სასჯელი შეეფარდოს. ადვოკატის განცხადებით, გიორგი ქართველიშვილი 2012 წელს, პატიმრობის დასრულებამდე ორი კვირით ადრე სწორედ ანალოგიური სასჯელის მსხვერპლი გახდა, რის გამოც საქმე სტრასბურგის სასამართლოში გაასაჩივრა.
46
s
s
s