29, მაისი 2019 17:19:00
სექსუალურ შევიწროებაში დადანაშაულებულ ომარ მახარაძეს ამ წუთებში საგამოძიებო ორგანოში ელოდებიან. შინაგან საქმეთა სამინისტროს ინფორმაციით, ლექტორმა და „ქართული ოცნების“ მაღალჩინოსანმა გამომძიებლის შეკითხვებს უნდა უპასუხოს. საქმეზე გამოძიება სისხლის სამართლის კოდექსის 139-ე მუხლის მეორე ნაწილით მიმდინარეობს, რაც სექსუალური ხასიათის სხვაგვარი ქმედების იძულებას გულისხმობს. ბრალის დამტკიცების შემთხვევაში ომარ მახარაძეს 3 დან 5 წლამდე თავისუფლების აღკვეთა ემუქრება. საგამოძიებო ორგანოსთან ჩვენი გადამღები ჯგუფი იმყოფება და დამატებით დეტალებს მთავარ გამოშვებაში მოგიყვებით.