29, მაისი 2019 20:55:00
უკიდურესად გაჭირვებული ოჯახი, რომელსაც სოციალური დახმარება მოუხსნეს. კობალაძეები თავს 50 ლარით ირჩენენ. მძიმე ყოფას ჯანმრთელობის პრობლემებიც ემატება. როდემდე უნდა იყვნენ ციხისძირში მცხოვრებლებლები მეზობლების იმედად?
ციხისძირში მცხოვრები სამწევრიანი ოჯახის შემოსავლის ერთადერთი წყარო 50 ლარია. კობალაძეებს სოციალური დახმარება ერთი წლის წინ მოუახსნეს, თუმცა რატომ, -დღემდე გაუგებარია.
კობალაძეების მძიმე სოციალურ მდგომარეობას, ოჯახის წევრების ჯანმრთელობის პრობლემებიც ემატება. ერთ-ერთ მათგანს ქირურგიული ჩარევა ესაჭიროება. ამბობენ რომ მედიკამენტების ყიდვის შესაძლებლობაც არ აქვთ.
კობალაძეებს საკვები პროდუქტებით მხოლოდ მეზობლები ეხმარებიან. წლების განმავლობაში დაზიანებული ჭერიც სწორედ მათ შეუკეთეს.
ქობულეთის სოციალური მომსახურების სააგენტოში ირწმუნებიან, რომ ოჯახს ,,კრიზისული კვების პროგრამაში“ ჩართავენ და მათ ფულად დახმარებას გადასცემენ. რაც შეეხება სოციალური სტატუსის მინიჭებას, თემურ ჭანტურისშვილის თქმი ,ოჯახის ხელახალი გადამოწმება სექტემბერში იქნება შესაძლებელი.
იმ შემთხვევაში თუ კი ოჯახს სოციალური სტატუსი აღუდგება, ისინი ქობულეთის მერიის სხვადასხვა პროგრამით სარგებლობას შეძლებენ.