30, მაისი 2019 17:08:00
მიხეილ სააკაშვილის მიმართ დაწყებული სამართლებრივი პროცედურები არ შეწყვეტილა-განცხადებას საქართველოს პროკურატურა ავრცელებს. „მისი მოქალაქეობის დაკარგვის, ან აღდგენის ფაქტი მის მიმართ სისხლისსამართლებრივ დევნასთან და საექსტრადიციო პროცედურებთან არავითარ კავშირში არ არის და მიმდინარე პროცესზე ვერავითარ ზეგავლენას ვერ მოახდენს. სასამართლოს მიერ მსჯავრდებულ მიხეილ სააკაშვილს აუცილებლად მოუწევს ქართული მართლმსაჯულების წინაშე წარდგენა და ჩადენილი დანაშაულებისთვის პასუხისგება.“ იკითხება განცხადებაში. საქართველოს ექსპრეზიდენტ მიხეილ სააკაშვილს საქართველოს პროკურატურა რამდენიმე სისხლის სამართლის საქმეზე ედავება.სანდრო გირგვლიანის მკვლელობაში ბრალდებულთა შეწყალების საქმეზე 5 იანვარს ქართულმა სასამართლომ სააკაშვილს დაუსწრებლად 4 წლით თავისუფლების აღკვეთა მიუსაჯა. ამნისტიით მას სასჯელი 1/4-ით შეუმცირა და 3 წლით პატიმრობა დარჩა.