31, მაისი 2019 20:53:00
დაკავებული მაღალჩინოსნები, მოახლოებული ტურისტული სეზონი, პროგრამები ეკომიგრანტი ოჯახებისთვის და ხულოს მერის არჩევნები- მთავრობის დღევანდელი სხდომა ამ და სხვა საკითხებს მიეძღვნა. მინისტრთა კაბინეტის წევრებმა რამდენიმე მნიშვნელოვანი გადაწყვეტილება მიიღეს.
დაკავებული მაღალჩინოსნები, მოახლოებული ტურისტული სეზონი, პროგრამები ეკომიგრანტი ოჯახებისთვის და ხულოს მერის არჩევნები- მთავრობის დღევანდელი სხდომა ამ და სხვა საკითხებს მიეძღვნა. მინისტრთა კაბინეტის წევრებმა რამდენიმე მნიშვნელოვანი გადაწყვეტილება მიიღეს. რეგიონის პირველმა პირმა უწყებებს აჭარაში მიმდინარე მოვლენების ფონზე მობილიზებული მუშაობისკენ მოუწოდა.
მაღალჩინოსნების დაკავებაზე საუბრით დაიწყო მთავრობის დღევანდელი სხდომა თორნიკე რიჟვაძემ. რეგიონის პირველმა პირმა მინისტრთა კაბინეტს მაქსიმალური მობილიზებისა და კოორდინირებული მუშაობისკენ მოუწოდა.
მთავრობის თავმჯდომარემ ხულოში მერის რიგგარეშე არჩევნები დღეს კიდევ ერთხელ შეაფასა და მას დემოკრატიის წარმატებული ტესტი უწოდა. თორნიეკ რიჟვაძემ განცხადება მოახლოებულ ტურისტულ სეზონთან დაკავშირებითაც გააკეთა და განაცხადა, რომ წელს რეგიონი დაახლეობით 2 მილიონ ტურისტს ელოდება.
მალე აჭარში ახალგაზრდობის რეგიონული ცენტრი დაიწყებს ფუნქციონირებას. განათლების სამინისტროს სსიპის მუშაობის მიზანი ახალგაზრდებისთვის მეტი შესაძლებლობის მიცემა იქნება. დაინტერესებულებს პროფესიული სწავლებას და საერთაშორისო საგანმანათლებლო პროგრამებში ჩართვას შესთავაზებს.
იმ ეკომიგრანტ ოჯახებს, რომლებიც 2000 წლამდე საქართველოს სხვადასხვა რეგიონში იყვნენ მიგრირებული და ისევ აჭარაში დაბრუნდნენ, შესაძლებლობა მიეცემათ სახელმწიფოსგან 25 ათას ლარი მიიღონ . გადაწყვეტილება აჭარის მთავრობის დღევანდელ სხდომაზე მიიღეს.
საინვესტიციო საქმიანობის ხეშელწყობის მიზნით, აჭარის ფინასთა და ეკონომიკის სამინისტრომ შპსეების - ,,გიაგო“, ,,ბედეგი ბილდინგი“, ,,მეგა პალასი“ , ,,კორაქსესი“ მიმართ გარკვეული ღონისძიებები განახორციელა. რამდენიმე მათგანს ბინების ნაწილში სახელმწიფოს წინაშე ვალდებულება მოეხსნათ, ნაწილს კი ჯარიმები შეუჩერდა.
დღევანდელ სხოდმაზევე, საქართველოს საერთო სასმართლოებში აჭარის წარმამდგენლებს, მინდობილობა განუახლდათ.