07, ივნისი 2019 20:38:00
საკონსტიტუციო სასამართლომ არაკონსტიტუციურად მიიჩნია ღია სასამართლო სხდომებზე მიღებული გადაწყვეტილებების დაფარული სახით გაცემა. სასამართლომ გაიზიარა მედიის განვითარების ფონდისა და ინფორმაციის თავისუფლების განვითარების ინსტიტუტის სასარჩელო მოთხოვნა და განმარტა, რომ აქტების მიმართ არსებობს მომეტებული საზოგადოებრივი ინტერესი. გადაწყვეტილებაში ასევე, წერია, რომ გამონაკლის შემთხვევებში, ინფორმაციის სენსიტიურობის გათვალისწინებით, პირადი ცხოვრების უფლების დასაცავად, შესაძლოა დაიფაროს პერსონალური მონაცემები, თუმცა ამას არ უნდა ჰქონდეს საყოველთაო ხასიათი.