15, ივნისი 2019 12:58:00
ახალ ბულვარში, საზღვაო კოლეჯის გვერდით ერთ-ერთი მშენებარე კორპუსის ფანჯრიდან სამშენებლო ნარჩენებს ყრიან, რის გამოც ტერიტორიაზე მტვერია. ფაქტის ამსახველი ვიდეომასალა "TV 25"-ს მოქალაქემ მიაწოდა. მისი თქმით, მსგავსი შემთხვევები ხშირია, რაზეც შესაბამისი სამსახურებიდან რეაგირება არ ხდება.
ფაქტის შესახებ ბათუმის მერიაში ინფორმაციას არ ფლობენ, სადაც განაცხადეს, რომ შემთხვევის ადგილზე ზედამხედველობის სამსახურის წარმომადგენლები მივლენ და ვითარებას ადგილზე შეისწავლიან.