17, ივნისი 2019 20:45:00
უკვე რამდენიმე დღეა ქობულეთი ბათუმის მიმართულებით გადაადგილება მოქალაქეებს 50 თეთრით გაუძვირდათ. მგზავრების უმრავლესობას ტარიფი არ მოწონს. მათი გადამყვანი კომპანია თავს იმით იმართლებს, რომ ხარჯები გაეზარდათ. ვინ უნდა აკონტროლებდეს ფასების შესაბამისობას სოციალურ მდგომარეობასთან მიმართებაში?
მგზავრების ნაწილი გაძვირებულ ტარიფით უკმაყოფილოა. ამბობენ, რომ ყველა მსგავსი ცვლილება გლეხის ჯიბეზე აისახება, მაშინ როცა, მათი თქმით,ველა თეთრს არსებობისთვის გადამწყვეტი მნიშვნელობა აქვს.
ნაწილი კი ამბობს, რომ მგზავრობის საფასურის ზრდა, მძღოლებზე არაა დამოკიდებული და მას ქვეყანაში არსებულ ზოგად ეკონომიკურ მდგომარეობას უკავშირებენ.
მძღოლები 50 თეთრით გაზრდილი ტარიფის არგუმენტად, გაძვირებულ საწვავს და ავტონაწილებს უკავშირებენ. მათი თქმით, ამ უკანსაკნელის ფასი კ დოლარის კურსის მატებასთან ერთად იზრდება.
ქობულეთი - ბათუმის გადამყვანი სატრანსპორტო კომპანიის დირექტორი განმარტავს, რომ ფასი მძღოლების მოთხოვნის საფუძველზე გაიზარდა. ჩვენს კითხვაზე, შეუთანხმა თუ არა საკითხი, რომელიმე მუნიციპალიტეტს, რეზო ხინიკაძე გვპასუხობს, რომ არ არსებობს მსგავსი საკითხების მაკონტროლებელი ორგანო.
ირკვევა, რომ აჭარაში, არ არსებობს უწყება, რომელიც საქალაქთაშოროსი ტრანსპორტზე გზავრობის ფასს ადგენს. ბათუმი-ქობულეთის სამგზავრო ტარიფის 50 თეთრიან ზრდაზე პასუხისმგებლობას, არც ბათუმის და არც ქობულეთის მერია არ იღებს.