2018 წელს, ბათუმის ხელოვნების სასწავლო უნივერსიტეტი ახალ შენობაში შეხვედება. ზურაბ გორგილაძის ქუჩაზე მდებარე ყოფილი პედაგოგიური კოლეჯის შენობის რეკონსტრუქცია-რეაბილიტაციისთვის ტენდერი უკვე გამოცხადდა. უნივერსიტეტში ვარაუდობენ, რომ სარემონტო სამუშაოები 2017 წლის თებერვალში დაიწყება და რეაბილიტაცია 2018 წელს დასრულდება. პროექტის თანახმად, ყოფილი კოლეჯის შენობას ერთი სართული დაემატება, მოეწყობა სცენა, საკონფერენციო დარბაზი და ლაბორატორიები. ახალი შენობა 2 000 სტუდენტზე იქნება გათვლილი. პედაგოგიური კოლეჯის ყოფილი შენობა კულტურული მემკვიდრეობის ძეგლია. აჭარის განათლების მინისტრის განმარტებით, პროექტი პროცედურების სრული დაცვით შემუშავდა ისე და ძეგლის სტატუსს საფრთხე არ ემუქრება. შენობის რეკონსტრუქცია-რეაბილიტაციისთვის ბიუჯეტში 2 750 000 ლარია გათვალისწინებული. ვის სარგებლობაში გადავა შენობა, რომელშიც ხელოვნების უნივერსიტეტი ფუნქციონირებს, განათლების მინისტრი ამ ეტაპზე არ აკონკრეტებს.
2
s
s
s