ვიზალიბერალიზაციის მიღება მიულოცა მოქალაქეებს, საქართველოს შინაგან საქმეთა მინისტრმა. გიორგი მღებრიშვილმა ყურადღება იმ პასუხისმგებლობასა და ვალდებულებებზე გაამახვილა, რაც ქვეყანას ევროკავშირთან თანამშრომლობის სახით აკისრია. მინისტრის განცხადებით, დღეიდან მესაზღვრე-კონტროლიორებს სასაზღვრო-გამშვებ პუნქტებზე დაევალათ, რომ დეტალურად გაესაუბრონ ყველა მოქალაქეს, რომელიც ევროპულ ქვეყნებში მიემგზავრება, გაუწიონ კონსულტაცია უვიზო მიმოსვლის პირობებთან დაკავშირებით და შეამოწმონ მათი სამგზავრო დოკუმენტების შენგენის მოთხოვნებთან შესაბამისობა. მინისტრის განმარტებით, ეს არის დამატებითი ღონისძიება, რომელსაც შსს მოქალაქეთა მაქსიმალური ინფორმირების მიზნით მიმართავს, რათა არ მოხდეს უვიზო რეჟიმის პირობების დარღვევა. შენგენის ზონის ქვეყნებში ჩასვლის წესსა და მოქალაქეების ვალდებულებებზე განცახდება გააკეთა საგარეო საქმეთა მინისტრმაც. მიხეილ ჯანილიძემ იმ სანქციებზე ისაუბრა, რაც შენგენის ზონის ქვეყნებში დარღვევის შემთხვევაში მოქალაქეების მიმართ გატარდება.
26
s
s
s