ვახტანგ ჭაღალიძეს ასეთი რეაქცია ხმელეთზე მოსიარულე ხის დანახვისას ჰქონდა. უხუცესი ამბობს, რომ თავის სიცოცხლეში მსგავსი სურათი არასდროს უნახავს.
გიგიანტური მაგნოლიის ხე დანიშნულების ადგილამდე ნელი მოძრაობითა და ხალხის ოვაციების ფონზე მოგზაურობდა. მოქალაქეების გაკვირვევას მისი სიმაღლე და წონა იწვევდა. არსებული ინფორმაციით, მაგნოლია 220 ტონას იწონის და 37 მეტრია.
ტრანსპორტირებისას მნიშვნელოვანი გართულებები არ ყოფილა, თუმცა სპეციალური ტექნიკა, რომელზეც მაგნოლია იყო მოთავსებული ნელა მოძრაობდა, შედეგად ბათუმი - ქობულეთის დამაკავშირებელი საავტომობილო გზა დაახლოებით ნახევარი საათით იყო გადაკეტილი.
ვიდრე გიგანტური ხე გარკვეულ ეტაპს გაივლიდა, ის ორი დღის განმავლობაში ბობოყვათის საპრეზიდენტო რეზიდენციის მიმდებარედ იყო. იმისთვის, რომ გუშინ სპეციალურ ტექნიკას ხე ხმელეთზე გადაეადგილებინა და სარკინიგზო მაგისტრალი გადაეკვეთა, ელექტროსადენები ჩახსნეს.
საავტომობილო გზაზე მოძრაობისას მანქანაზე მოთავსებული მაგნოლიას გადაადგილებაში ხელს ირგვლივ არსებული ევკალიპტები უშლიდა. სწორედ ამიტომ, ქობულეთის გამწვანების სამსახურმა ხეებს ტოტები მოაჭრა. ფაქტი კი მუნიციპალიტეტის გამგებელმა ასე ახსნა:
დღესვე გაირკვა, რომ ბიძინა ივანიშვილს დენდროლოგიური პარკის მოსაწყობად სულ 50 -მდე ხე ესაჭიროება. კომპანია „ზიმოს“ გიგანტური ხეები უკვე შერჩეული აქვს.
ჯერჯერობით უცნობია რამდენ დღეს დარჩება მაგნოლიის ხე ბობოყვათის სანაპიროსთან. „ზიმოს“ ინჟინერი განმარტავს, რომ ეს ამინდზეა დამოკიდებული.
ასწლოვან მაგნოლიას ბიძინა ივანიშვილის მიერ მოწყობილ დენდროლოგიურ პარკამდე რამდენიმე კილომეტრი აშორებს. ბოლო ეტაპზე გიგანტურ მაგნოლიას ზღვაში შეაცურებენ.
1
s
s
s