რამდენად სუფთაა ზღვა და როგორია წყლის ხარისხობრივი მაჩვენებელი? ბათუმში ჩამოსული სტუმრები კმაყოფილები არიან, ადგილობრივები კი ფეკალური მასების ჩადინების კადრებს სოციალურ ქსელებში ავრცელებენ. ვირწმუნოთ უნდა თუ არა იმ კვლევების შედეგების, რომელსაც შესაბამისი უწყება ახორციელებს?
ზღვაში ფეკალიების ჩადინების ფაქტი ერთ-ერთმა მოქალაქემ რამდენიმე დღის წინ მობილურით გადაიღო და ტვ 25-ს მიაწოდა.
მიუხედავად იმისა, რომ ამ კადრებს სოციალურ ქსელში მწვავე შეფასებები უკვე მოჰყვა ამ ფაქტს ტურისტების უკმაყოფილება არ გამოუწვევია. დღეს ჩვენს მიერ ჩაწერილი რესპონდენტების თქმით, ზღვის წყლის ხარისხი დამაკმაყოფილებელია.
ზღვის წყალში სინჯებს ძირითადად იმ ტერიტორიებიდან იღებენ, რომელიც ბანაობისთვისაა განკუთვნილი. სარფი-ქობულეთის აკვადორიაში, ჯანმრთელობისთვის საშიში ბაქტერიების კვლევა, ასეთ რვა წერტილზე ხდება. გარემოს ინტეგრირებული მართვის სააგენტოში გვარწმუნებენ, რომ მონიტორინგი მიმდინარე კვირაში ჩატარდა და ბაქტერიების რაოდენობა არსებულ მაქსიმალურ ზღვარზე გაცილებით დაბალია.
რატომ იღებენ წყლის სინჯებს ნაპირიდან 100 მეტრში?სააგენტოში ამ გარემოებას იმით ხსნიან, რომბაქტერიები ამ მანძილზე უფრო აქტიურდებიან. გარდა ამისა, ირწმუნებიან, რომ კატერით სანაპიროსთან მისვლა ვერ ხერხდება.
ბათუმის სანაპირო ზოლს, ძირითადად, ბარცხანის საკანალიზაციო წყლები აბინძურებდა. შესაბამისად, წინა წლებში, ბაქტერიების მაჩვენებელი მაღალი იყო. ბათუმის მერიაში ამბობენ, რომ აღნიშნული ქსელი, ადლიის გამწმენდ ნაგებობას დაუერთდა და დაბინძურების კერას აღარ წარმოადგენს.
7
s
s
s