ქედის გამგებელმა არასამთავრობო ორგანიზაციების და მასმედიის წარმომადგენლებს 2016 წელს გაწეული საქმიანობის შესახებ ანგარიში ჩააბარა. დავით დუმბაძემ ინფრასტრუქტურულ პროექტებზე ისაუბრა, რომელიც გამგეობამ მისივე თქმით, წარმატებით განახორციელა. მუნიციპალიტეტის გამგებელმა შეხვედრისას განმარტა, რომ ბიუჯეტის ხარჯვითი ნაწილი გადაჭარბებით შესრულდა, ასევე მოსახლეობის მიერ პრიორიტეტულად მიჩნეული საკითხები დროულად გადაიჭრა. უწყება ტურისტების მიზიდვის მიზნით მახუნცეთის დასახლების განვითარებასაც აპირებს, ამ მიმართულებით რამდენიმე პროექტის განხორციელებაა დაგეგმილი. პარალელურად ქედის გაზიფიცირება იწყება. დავით დუმბაძე ამბობს, რომ ადგილობრივებისთვის მხოლოდ ერთი დაპირება ვერ შეასრულა. მუნიციპალიტეტში სამკერვალო ფაბრიკა მუშა ხელის არარსებობის გამო არ აშენდა.
11
s
s
s