ოთხშაბათი 21, აგვისტო 2019

რატომ შემცირდა მუნიციპალიტეტების საკრებულოებში ფრაქციათა ინიციატივები

02, ივლისი 2019 20:38:00

ფრაქციები ინიციატივების გარეშე. რატომ პასიურობენ  დეპუტატები ხულოს, შუახევისა და ხელვაჩაურის საკრებულოებში? ანგარიში მესამე სექტორმა გამოაქვეყნა. აღმოჩნდა, რომ  16 ფრაქციიდან საკრებულოზე ინიციატივა არც ერთს არ დაუყენებია. რატომ არ იყო  მათი საქმიანობა 2017-18 წლებში ისეთი  აქტიური, როგორსაც წინასაარჩევნო პერიოდში ამომრჩევლებს ჰპირდებოდნენ? 

„საერთაშორისო გამჭვირვალობა საქართველოს“ მიერ ჩატარებული კვლევის მიხედვით, ხულოს საკრებულოებში ფრაქციებს, ბოლო ორი წლის განმავლობაში, არცერთი ინიციატივა არ წარუდგენიათ. ანაგარიშს არ იზიარებს ხულოს საკრებულოს ოპოზიციონერი დეპუტატი. ირაკლი ჯორბენაძის მტკიცებით, ფრაქციას რამდენიმე საკითხი აქვს ინიცირებული.  
ხულოს გარდა ანაგარიშში მოხვდა შუახევიც. წარმომადგენლობით ორგანოში,სადაც ოთხი ფრაქციაა რეგისტირებული, 2017 – 2018 წლებში, დეპუატატებს არც ერთი ინიციატივა არ წარუდგენიათ. საპირისპიროს ამტკიცებს  საკრებულოს თავმჯდომარის მოადგილე. ვახტანგ ზოიძის მტკიცებით, მათ არაერთი წინადადება აქვთ წარდგენილი. 
კიდევ ერთი მინიციპალიტეტი ინიციატივების გარეშე, ხელვაჩაურის საკრებულოა. ირკვევა, რომ უმრავლესობაში ამის საჭიროებას ვერ ხედავს.  ფრაქცია „ქართული ოცნება - დემოკრატიული საქართველოს“ თავმჯდომარე განმარტავს, რომ იდეები ბიუჯეტის დაგემვისას გააქვთ.ოპოზიციაში კი , ამბობენ, რომ მათ იდეებს მმართველი გუნდი მხარს არ უჭერს. 
2017 წელს, კანონმდებლობაში შევიდა ცვლილება, რომლის მიხედვითაც  ფრაქციის თავმჯდომარის მოადგილეობა, ანაზრაურებადი თანამდებობა გახდა. ცვლილებას ფრაქციების გააქტიურება უნდა მოჰყოლოდა. თუმცა მესამე სექტორისთვის, ეს გარემოება, ეჭვს ბადებს და ფიქრობენ, რომ სიახლე  მხოლოდ სამუშაო ადგილების შექმნას ემსახურებოდა.
„საერთაშორისო გამჭვირვალობა საქართველოს“ კვლევის მიხედვით, ყველაზე მეტი-  25  ინიციატივა  ბათუმის საკრებულოში იყო წარდგენილი, ქობულეთში ორი, ქედაში  კი ექვსი. ამასთან, წარდგენილი ინიციატივების უმრავლესობა   ადმინისტრაციული მნიშვნელობის საკითხებს ეხებოდა. კვლევა ორგანიზაციამ 2017 წლის ნოემბრიდან 2019 წლის თებერვლამდე პერიოდში ჩატარა. 


დღის ამბები