11, ივლისი 2019 17:17:00
შეკვეთილში მომხდარ დაპირისპირებაზე, შინაგან საქმეთა სამინისტრომ, გამოძიება დაიწყო. გუშინდელ ინცინდენტზე, აქციის მონაწილეები ამბობენ, რომ მათ „ოცნების“ აქტივისტები დაუპირისპირდნენ, ძალოვანი უწყების ვერსიით, კი მოშიმშილეების კარავი ადგილობრივებმა დაარბიეს. გამოძიება, სისხლის სამართლის კოდექსის, 187-ე მუხლის პირველი ნაწილით მიმდინარეობს, რაც სხვისი ნივთის დაზიანებას ან განადგურებას გულისხმობს. სასჯელი ჯარიმას, საზოგადოებისათვის სასარგებლო შრომას ან თავისუფლების აღკვეთას – ერთიდან სამ წლამდე ვადით ითვალისწინებს.