„ზამთარი გადატანილია“ - თიბისი გალერეა გურამ წიბახაშვილის გამოფენას მასპინძლობს. ავტორის მიზანი, 1987-1995 წლების საქართველოს ისტორიის ვიზუალური და ტექსტუალური გაცოცხლება, გააზრება და შეჯამებაა.
ხელოვანი, თავის ფოტოებში, საქართველოს ისტორიის იმ გარდამტეხ მონაკვეთს აღწერს, რომელშიც ახალდაბადებული სახელმწიფო ურთულეს პერიოდს ებრძვის და ამავდროულად, ქვეყანაში, თანამედროვე ხელოვნება მოულოდნელად იწყებს აყვავებას.
თიბისისა და გამომცემლობა ინდიგოს თანამშრომლობით, გამოიცა გამოფენისვე სახელწოდების, „ზამთარი გადატანილია“ ქართულ და ინგლისურენოვანი წიგნი, რომელიც ფოტოგრაფის 250-მდე კადრს, მათ ისტორიებსა და ანა კორძაია სამადაშვილის ესეებს აერთიანებს. გამოფენაზე კი, ხელოვანის, 35-მდე საუკეთესო ფოტოა წარმოდგენილი.
1990-იანი წლების ისტორიებს, წიგნში თავმოყრილი ამბების გმირები ცოცხლად, იმ ფილმში ჰყვებიან, რომელიც „თიბისის“ ორგანიზებით, სტუდია „ფილმ ესაილამ“ მოამზადა. ფილმი კინოს, სახვითი ხელოვნების, ლიტერატურისა და მუსიკის წარმომადგენლებს აერთიანებს. ნამუშევრის ნახვა, დამთვალიერებლებს გამოფენაზევე შეუძლიათ.
გამოფენის დათვალიერება, მსურველებს უფასოდ „ბათუმის თიბისი გალერეაში“ 20 აგვისტოს ჩთვლით შეეძლებათ.
4
s
s
s