კვირა 22, სექტემბერი 2019

ხელისუფლებისგან მივიწყებული მოსახლეობა

22, ივლისი 2019 20:45:00

ქობულეთის სოფლებში უწყლობასთან ერთად მოქალაქეებს ავარიული გზა  აწუხებთ. სოფელ კოხში მცხოვრებლები ადგილობრივ ხელისუფლებას უყურადღებობაში ადანაშაულებენ.  მოუწესრიგებელი ინფრასტრუქტურა ავტოსაზგაო შემთხვევების რისკს ზრდის. რატომ არ ზრუნავს უწყება იმ დაპირების  შესრულებაზე, რომელიც წინასაარჩევნოდ გასცა?  

ეს სოფელ კოხია.  დაზიანებული შიდა სასოფლო გზა,  აქ მცხოვრებლების ყოველდღიურობაა.  20-მდე ოჯახი  სახლებთან მისასვლელი გზის რეაბილიტაციას წლებია ითხოვს. 
ადგილობრივების თქმით სოფელში განსაკუთრებით რთული მდგომარეობა წვიმიან დღეებშია. ამორტიზებულ  გზაზე ავტომობილები ცურდება და ავტოსაგზაო შემთხვევების საშიშროება იქმნება.
უფრო მეტიც ამორტიზებული გზის გამო სოფლის მოსახლობასთან მისვლას ვერ ახერხებს სასწრაფო სამედიოცინო დახმარების ავტომობილები. ხშირად ექიმებს  პაციენტთან მისვლა ფეხით უწევთ, 
ქობულეთის მერიაში კი თავს იმით იმართლებენ,   რომ მოსახლეობას  აღნიშნული პრობლემით  არ მიუმართავს.  ინფრასტრუქტურის სამსახურის უფროსმა დაზუსტებით არ იცის,  მოხვდება  მოწესრიგდება თუ არა სოფლის ეს მონაკვეთი იმ პროგრამების ფარგლებში, რომლებსაც უწყება ახორციელებს.
ქობულეთის მუნიციპალიტეტში შიდა სასოფლო გზების კეთილმოწყობის პროგრამის  საწყისი  ბიუჯეტი 800  ათას ლარს შეადგენს. 


დღის ამბები