22, ივლისი 2019 20:30:00
ბათუმელი მომღერალი , რომელიც 20 მდე ქვეყნის წარმომადგენელს შორის საუკეთესო აღმოჩნდა. გიორგი ფუტკარაძე საერთაშორისო ფესტივალის გამარჯვებული გახდა. მუსიკალურ ი ღონისძიება ბელარუსიაში გაიმართა. როგორ მოახერხა ხელოვანმა ქვეყნის სახელის საერთაშორისო დონეზე გატანა და რა გეგმები აქვს სამომავლოდ? ფიქრია დავლაძის რეპორტაჟს ნახევარ საათში ნახავთ
2019 წლის საერთაშორისო ფესტივალ ,,სლავური ბაზარის“ გამარჯვებული გიორგი ფუტკარაძე მუსიკალურ ღონისძიებაზე გასამგზავრებლად 10 ქართველ კონკურენტს შორის აარჩიეს. ფესტივალი ბელორუსიაში 13 და 14 ივლისს გაიმართა. მასში 18 ქვეყნის წარმომადგენელი მონაწილეობდა. ჟიურის გადაწყვეტილებით გიორგი ფუტკარაძე საუკეთესო აღმოჩნდა.
ბავშვობიდან მღერის, თუმცა მუსიკალური განათლების გასაღრმავებლად 14 წლიდან ინტენსიურად მუშაობს. მღეროდა ქუჩაში, თვლის, რომ თავისუფალი სივრცე მუსიკოსს კომფორტს უქმნის. შესაძლებლობების დასამტკიცებლად 2018 წელს მონაწილეობა სატელევიზიო მუსიკალურ შოუ ,,იქს-ფაქტორში“ მიიღო, სადაც ფინალურ ტურში გადავიდა.
პროფესიული ზრდა და ქართული შემოქმედებითი კულტურის პოპულარიზაცია -ეს მთავარი ფაქტორია რისთვისაც აჭარის განათლების, კულტურისა და სპორტის სამინისტრომ ახალგაზრდას შესაძლებლობა მისცა ფესტივალზე გამგზავრებულიყო.
აჭარის განათლების, კულტურისა და სპორტის სამინისტრო მობილობის ხელშეწყობის საგრანტო პროგრამას 2013 წლიდან ახორციელებს. გიორგი ფუტკარაძის ინდიროკის ჟანრში შექმნილი რამდენიმე საავტორო სიმღერის ალბომი ოქტომბერში გამოვა.