კვირა 22, სექტემბერი 2019

უკანონო გარევაჭრობა ქალაქის ცენტრში

23, ივლისი 2019 20:40:00

უნებართვო  გარევაჭრობა ქალაქის ცენტრალურ ნაწილში. ბათუმის მერიამ  ნებართვა  იმ ღია კაფის განთავსებაზე გასცა,რომელმაც ბარათაშვილის ქუჩის ნაწილი ჩახერგა. ადგილობრივები ამტკიცებენ, რომ  ტერიტორიაზე გადაადგილებაში ხელი სასწრაფო სამედიცინო დახმარებისა და სახანძროს ბრიგადებს შეეშლებიან. 

ბარათაშვილის #6 ნომერში მცხოვრებლები, კორპუსის წინ  -კაფე-ბარის მიმდებარე ტერიტორიაზე,  გზის ჩაკეტვას აპროტესტებენ. ადგილობრივები ამტკიცებენ,  ჩიხში კონსტრუქცია შპს „არტ იტალიამ“ განათავსა.  ამბობენ, რომ გადაადგილებაში  პრობლემა   სასწრაფო სამედიცინო დახმარების  და სახანძრო ბრიგადებს შეექმნებათ.
მოქალაქეების ამტკიცებენ, რომ  კომპანიის წარმომადგენელმა, მათ პრეტენზიებს მუქარით უპასუხა.   ამბობენ, მუქარა შეიცავდა მესიჯს, რომ საქმეში დიდი ფული ტრიალებს და არაფერი გამოუვათ. აქ მცხოვრებლების ინტერესების დამცველი მერიის მიერ ადგილზე გარევაჭრობის ნებართის გაცემას  ტროტუარის სივიწროვიდან გამომდინარე კანონდარღვევად მიიჩნევს. 

ადგილობრივების პრეტენ ზიებს უსაფუძვლოდ უწოდებს  კომპანიის ერთ-ერთი დამფუძნებელი.  პაატა ქანდაურაშვილი ამბობს, რომ აქ მცხოვრებლები პროგრესს ეწინააღმდეგებიან. ამტკიცებს, რომ ადგილი, სადაც კონსტრუქციაა განთავსებული სავალი ნაწილი არაა და პრობლემა არავის შეექმნება.  
სანებართვო პირობების დარღვევას ადასტურებენ  ბათუმის მერიაში. უწყების ეკონომიკური საქმიანობის ნებართვების განყოფილებაში გვითხრეს, რომ ზედამხედველობის სამსახურის მოთხოვნით, შპს „არტ იტალიამ“ განთავსებითი ღონისძიებები შეაჩერა. თამაზ გოგიტიძის თქმით, ხელშეკრულების პირობების დარღვევის შემთხვევაში, კომპანიასგარევაჭრობის ნებართვა ჩამოერთმევა.

ბათუმის საკრებულოს დადგენილებით, გზის სავალ ნაწილზე, გარევაჭრობასთან დაკავშირებით ნებართვა არ გაიცემა. კაფე-ბარის წინ რესტორნის ინვენტარის განთავსების ნებართვის დოკუმენტს კი, რომელიც გარევაჭრობადაა ხსენებული და გზის სავალ ნაწილს ითვისებს, ხელს ქალაქის მერი, ლაშა კომახიძე აწერს.


დღის ამბები