სკოლები პირველკლასელების გარეშე. ქვეყნის მასშტაბით მონაცემებით მაღალმთიანი აჭარა ლიდერობს. პრობლემურია ხელვაჩურის მუნიციპალიტეტი, სადაც 11 საგანმანათლებლო დაწესებულება დარჩა პირველკლასელის გარეშე, უკავშირდება თუ არა ეს სოფლებიდან მოსახლეობის მიგრაციას და რას აკეთებს განათლების სამინისტრო ამ მიმართულებით? თინათინ ჭკუასელი გიამბობთ
ეს საკლასო ოთახი მათთვის იყო გათვალისწინებული, ვინც სკოლის კარებს წელ პირველად შეაღებდა, თუმცა ხეღრუს დაწყებითი სკოლა წელს პირველკასელის გარეშე დარჩა. იდენტური მდგომარეობა ხელვაჩაურის მუნიციპალიტეტის კიდევ 11 სკოლაშია.
პირველკლასელების დასახვედრად სამზადისი არ დაიწყება ზედა განახლების დაწყებით სკოლაშიც. აქ ახალი სასწავლო წლისათვის არც ერთი ბავში არ დარეგისტრირებულა, რასაც ადგილობრივები სოფლიდან მოსახლეობის მიგრაციას უკავშირებენ.
ქვეყნის მასშტაბით ახალ სასწავლო წელს პირველკლასელის გარეშე 108 საჯარო სკოლა შეხვდება. რეგიონებს შორის ამ კუთხით მაღალმთიანი აჭარა ლიდერობს. მათ შორისაა 10 საჯარო სკოლა შუახევის მუნიციპალიტეტში. აჭარის განათლების სამინისტროში სამთავრობო გეგმის იმ ნაწილზე საუბრობენ, რაც დაწყებითი სკოლების განვითარების კუთხით, უწყებამ უნდა განახორციელოს.
წელს პირველკლასელი არ იქნება ხულოს მუნიციპალიტეტის 7 სკოლაში. ასევე ქობულეთში სოფელ აჭყვას დაწყებით სკოლასა და ქედაში, გეგელიძეების საჯარო სკოლაში. საქართეველოს განათელბის მინისტრის მოადგილის განცახდებით, დაბალკონტიგენტიანი სკოლების ხელშეწყობის მიზნით, სპეციალურ კონცეფციაზე მუშაობა დაწყებულია.
რეგიონში გაცილებით დიდია იმ საგანმანათლებლო დაწესებულებების რიცხვი, სადაც ახალი სასწავლო წლიდან მხოლოდ 1-დან 10-მდე პირველკლასელი იქნება. აჭარის სკოლებში წელს 5 523 პირველკლასელია.
1
s
s
s