29, ივლისი 2019 20:45:00
დათვის შემოსევით შეწუხებული მოსახლეობა მაჭახლის ხეობაში. გარეული ცხოველი ხელვაჩაურში მცხოვრებლებს თავს ესხმის და შემოსავალს უნადგურებს. მოქალაქეეები პრობლემის წინაშე უძლურები არიან და დახმარებას ხელისუფლებას სთხოვენ. რატომ არ რეაგირებს ფაქტებზე სათანადოდ სახელმწიფო ? ფიქრია დავლაძე გიამბობთ
მაჭახლის ხეობაში მცხოვრები ფუტკარაძეების პირუტყვი რამდენიმე დღის წინ დათვმა სწორედ იმ ბილიკზე შეჭამა, სადაც ადგილობრივები ყოველდღიურად გადაადგილდებიან. ძროხა სოციალურად დაუცველი სტატუსის მქონე ოჯახისთვის შემოსავლის ერთადერთი წყარო იყო. შემთხვევა პირველი არ ყოფილა. პრობლემა მოსახლეობას რამდენიმე წელია აწუხებს.
კიდევ ერთი ოჯახი, რომელიც გარეულმა ცხოველმა დააზარალა, ფუტკარაძეები არიან. ყვებიან, რომ რომ დათვმა ორი მსხვილფეხა ცხოველი და დიდი რაოდენობით თაფლი შეჭამა. ადგილობრივები დახმარებას ითხოვენ.
ხელვაჩაურის მერიაში კი ამბობენ, რომ ერთადერთი რისი გაკეთებაც შეუძლიათ, გარემოს დაცვის სამინისტროსთან შუამდგომლობაა. რაც შეეხება სოციალურად დაუცველ ოჯახს, მუნიციაპლიტეტის მერი ამბობს, რომ ზფუტკარაძეებს ზარალს აუნაზღაურებენ.
გარემოს დაცვითი ზედამხედველობის დეპარტამენტის აჭარისა და გურიის სამმართველოში ამბობენ, რომ თავდასხმის შემთხვევაში მოქალაქეს უფლება აქვს ცხოველის ლიკვიდაცია განახორციელოს , თუმცა ამის შესახებ სახემლწიფოს უნდა აცნობოს.
სამმართველოში ისიც განმარტეს,რომ გარეული ცხოველის ბუნებიდან ამოღების შემთხვევაში დაუშვებელია ტყავის, ბეწვის, ცხოველის ნაწილების გამოყენება ან გაჩუქება. ის უნდა განადგურდეს 433 დადგენილებით განსაზღვრული წესით.