06, აპრილი 2017 20:29:00
ბათუმის ბოტანიკური ბაღის შესასვლელი მწვანე კონცხის მხრიდან დროებით იკეტება და მის ნაცვლად სტუმრებს მიმდებარე ტერიტორიაზე არსებული სამანქანო გზით სარგებლობა შეეძლებათ. ცვლილებები სარეაბილიტაციო სამუშაოებთან არის დაკავშირებული, რომლითაც ფეხით სავალი ბილიკის შეკეთება, განათების ბოძების შეცვლა და ვიდეოთვალების განთავსებაა დაგეგმილი. ამ მიზნით სულ 600 ათასი ლარია გამოყოფილი და სამშენებლო სამუშაოებს ტენდერში გამარჯვებული კომპანია “ემ ჯი ჯგუფი“ შეასრულებს. ბოტანიკური ბაღის ადმინისტრაციის წარმომადგენლები აცხადებენ, რომ სამშენებლო სამუშაოები სტუმრებს დისკომფორტს არ შეუქმნის და მიმდინარე წლის ივლისში დასრულდება.