პარასკევი 20, სექტემბერი 2019

ილია მეორე: სამსახური საჭიროა, მაგრამ პირველი შვილების აღზრდაა

04, აგვისტო 2019 16:40:00

კათოლიკოს-პატრიარქმა ილია მეორემ საკვირაო ქადაგებისას მრევლს მარიამ მაგდალინელის დღესასწაული მიულოცა და დედის როლზე ისაუბრა.

პატრიარქმა აღნიშნა, რომ იმ დროს, როდესაც მარიამ მაგდალინელი ჯვარს აცვეს, მაცხოვარი და მოწაფეებმა დატოვეს უფალი, მარიამ მაგდალინელი იდგა ჯვრის გვერდით და ის სიყვარული, რომელიც იყო მაცხოვარსა, მარიამ მაგდალინელს და მენელსაცხებლე დედებს შორის, ეს არის მაგალითი, როგორ ერთგულად უნდა იმოღვაწეოს ყოველმა ქალმა, როგორი დამოკიდებულება უნდა ჰქონდეს ეკლესიასთან, ოჯახთან.


„დღეს ჩვენ ვფიქრობთ დედის როლსა და დედის მნიშვნელობაზე. იმ დროს, როდესაც ჯვარს აცვეს მაცხოვარი, მოწაფეებმა დატოვეს უფალი, მარიამ მაგდალინელი იდგა ჯვრის გვერდით და ის სიყვარული, რომელიც იყო მაცხოვარს, მარიამ მაგდალინელსა და მენელსაცხებლე დედებს შორის, ეს არის მაგალითი, როგორ ერთგულად უნდა იმოღვაწეოს ყოველმა ქალმა, დედამ, დამ. როგორი დამოკიდებულება უნდა ჰქონდეს ეკლესიასთან, ოჯახთან, ჩვენ ვცხოვრობთ რთულ დროს. მრავალი შემთხვევაა, როდესაც დედა ტოვებს ოჯახს და მიდის სამსახურში. სამსახური საჭიროა, მაგრამ პირველი შვილების აღზრდაა. ღმერთმა ძალა და სიბრძნე მოგცეთ, ღმერთმა ინებოს, რომ ყოველმა დედამ აღასრულოს თავისი ვალი ღვთისა და სამშობლოს წინაშე. ჩვენთან არს ღმერთი“, – აღნიშნა პატრიარქმა.


დღის ამბები