19, აგვისტო 2019 20:22:00
ოკუპანტებმა, სოფელ გუგუტიანთკარში ე. წ ბორდერიზაციის სამუშაოები კვლავ განაახლეს. ადგილობრივები ხელისფულებას დახმარებას სთხვენ.ოთხდღიანი შვებულების შემდეგ კი გორის მერი, საზღვრისპირა სოფელში, დღეს ჩავიდა. უფრო მეტს რა ვითარებაა შიდა ქართში, ტელეკომპანია „დიას“ ჟურნალისტი შოთიკო სადაღაშვილი მოგვიყვება.
გორის მუნიციპალიტეტის სოფელ გუგუტიანთ კარში ვითარება არ შეცვლილა. დღეს 11 საათის შემდეგ საოკუპაციო ძალების წარმომადგენლები სოფელში ისევ გამოჩნდნენ, რომლებმაც უკანონო ბორდერიზაციის პროცესი კვლავ განაახლეს. როგორც ადგილობრივები ამბობენ, მათ სოფელში გადაადგილების ეშინიათ და დახმარებას ხელისუფლებას სთხოვენ.
ე.წ საზღვრის პირა სოფელში დღეს 4 დღიანი შვებულების შემდეგ ჩავიდა გორის მუნიციპალიტეტის მერი, რომელიც ადგილზე არსებულ ვითარებას პირადად გაეცნო. როგორც კოტე თავზარაშვილი ჩვენთან საუბარში განმარტავს, რომ მან საოკუპაციო ძალების წარმომადგენლებთან საუბარი სცადა, თუმცა ოკუპანტებმა მას არ მოუსმინეს და ზურგი აქციეს. გორის მერთან ერთად დღეს საოკუპაციო ხაზთან იმყოფებოდნენ ევროპარლამენტის დეპუტატი და ფონდ"თავისუფალი რუსეთის" წარმომადგენელი.
გორის მუნიციპალიტეტის სოფელ გუგუტიანთკარის სიახლოვეს საოკუპაციო ძალების მხრიდან ხელოვნური ბარიერების აღმართვის პროცესი 7 აგვისტოს დაიწყო. უკანონო ბარიერიერების შედეგად კი რაზმაძეების და გუგუტიშვილების სახლები და მიწის ნაკვეთები ოკუპირებულ ტერიტორიაზე მოექცა.