12, აპრილი 2017 20:10:00
სოციალურად დაუცველი მაგული ქამადაძე მერიას უყურადღებობაში ადანაშაულებს. ოცნების ქალაქში მცხოვრები რვაშვილიანი დედის განცხადებით, იგი წლებია უსახლკაროდ, ხის ფიცრულში ცხოვრობს. მრავალშვილიანი დედის თქმით, საცხოვრებლის მოთხოვნით მერიას არაერთხელ მიმართა, თუმცა უშედეგოდ. ქამადაძის მტკიცებით, უწყებაში განუმარტეს, რომ მრავალშვილიანი ოჯახი ბათუმში არ არის რეგისტრირებული, შესაბამისად ისინი მერიის პროგრამით ვერ ისარგებლებენ. სოციალური დაუცველის პრობლემას უფლება დამცველიც გამოეხმაურა. თამაზ ბაკურიძე მერიას მრავალშვილიანი დედებისთვის, საცხოვრებელი პირობების გაუმჯობესებისკენ მოუწოდებს. მერიაში დღეს სატელევიზიო კომენტარი არ გააკეთეს. პირად საუბარში კი აღნიშნეს, რომ მაგული ქამადაძე უწყებისთვის არასდროს მიუმართავს.
4
s
s
s