კვირა 22, სექტემბერი 2019

კიდევ ერთი უბედური შემთხვევა - ავარიას 23 წლის ბიჭი ემსხვერპლა

27, აგვისტო 2019 11:13:00

ავტოსაგზაო შემთხვევას 23 წლის ბიჭი ემსხვერპლა. “დიანიუსის” ინფორმაციით, “ჰიუნდაის” მარკის ავტომობილის მძღოლმა საჭე ვერ დაიმორჩილა გზის სავალი ნაწილიდან გადავიდა და დამცავ ჯებირს შეეჯახა.

შემთხვევა სოფელ წეროვნათან გუშინ, დღის მეორე ნახევარში მოხდა. ახალგაზრდა კაცი თბილისის მიმართულებით, მარტო მიდიოდა. იგი ადგილზე გარდაიცვალა.

როგორც თვითმხილველები ამბობენ, ახალგაზრდა მძღოლი ცენტრალურ ავტომაგისტრალზე დიდი სისწრაფით მიდიოდა. შინაგან საქმეთა სამინისტრომ მომხდარ ავტოსაგზაო შემთხვევაზე გამოძიება საქართველოს სისხლის სამართლის კოდექსის 276- ე მუხლის მე-6 ნაწილით დაიწყო. 


დღის ამბები