ფესტივალი, რომელსაც ორგანიზატორებმა უკვე უწოდეს - ,,მუსიკალური დიალოგი – ვირტუოზების დუეტი“ . მუსიკალური ღოსიძიების - ,,ღამის სერენადების“ ფარგლებში, მსმენელებს გუშინ დიმიტრი შოსტაკოვიჩის კამერული სიმფონია შესთავაზეს. კონცერტის მეორე ნაწილში კი ანა ლიზა ბეზროდნიმ და იან ერიკ გუსტავსონმა დუეტი შეასრულეს. ფიქრია დავლაძე და ირაკლი ფარღალავა დაესწო მუსიკალურ საღამოს.
,,მუსიკალური დიალოგი – ვირტუოზების დუეტი“ – ასე უწოდეს კონცერტს კლასიკური მუსიკის ფესტივალის „ღამის სერენადების“ ორგანიზატორებმა. წარმოდგენა ორ ნაწილად გაიმართა. პირველ ნაწილში დიმიტრი შოსტაკოვიჩის კამერული სიმფონია შესრულდა.
კამერული სიმფონია დრეზდენში დაიწერა, სადაც შოსტაკოვიჩი იმყოფებოდა საბჭოთა და გერმანელ კინომატოგრაფისტებთან, ერთობლივი ფილმის „ხუთი დღე , ხუთი ღამე“ გადაღებაზე. ნამუშევარი მეორე მსოფლიო ომის დროს დრეზდენის დაბომბვას ეძღვნებოდა. დიმიტრი შოსტაკოვიჩის ნაწარმოები კომპოზიტორის ცხოვრებაში ორ ურთულეს მოვლენასთანაა დაკავშირებული, როდესაც მუსიკოსს მძიმე დიაგნოზი დაუსვეს და როცა იგი იძულებული გახდა კომუნისტური პარტიის წევრი ყოფილიყო.
კონცერტის მეორე ნაწილში ანა ლიზა ბეზროდნიმ და იან ერიკ გუსტავსონმა ზოლტან კოდაის დუეტი ,,ვიოლიონოსა და ჩელოსათვის“ შეასრულეს. მუსიკოსებისთვის ,,ღამის სერენადებში“ მონაწილეობა უდიდეს ემოციებთანაა დაკავშირებული. ამბობენ, რომ მსგავს გამოწვევას მომავალშიც სიამოვნებით დათანხმდებიან.
მუსიკალურ საღამოზე ცნობილი მევიოლინე რუდოლფ ბარშაი გაიხსენეს. კომპოზიციებთან ერთად, უჩვენეს ოლეგ დორმანის დოკუმენტური ფილმი „ნოტი“, რომელიც რუდოლფ ბარშაის ცხოვრებას ეძღვნება.
,,ღამის სერენადებისთვის“ სტუმრები ბათუმში სხვადასხვა ქალაქებიდან სპეციალურად ჩამოვიდნენ. ამბობენ, რომ დატვირთული სამუშაო გრაფიკის შემდეგ გენიალური ნაწარმოების მოსმენით მიღებული მუხტი დიდხანს გაყვებათ.
,,ღამის სერენადებს“ საფუძველი ქართველმა მევიოლინემ ლიანა ისაკაძემ ჩაუყარა. ვივალდის ნაწარმოებების შესრულების პარალელურად, გაიმართა ლელა სარიშვილის წყალზე ხატვის პერფორმანსიც.
3
s
s
s