16, იანვარი 2017 08:25:00
„მწვანე მუშტი“ საქართველოს გარემოს დაცვის სამინისტროსა და აჭარის გარემოს დაცვის სამმართველოს განცხადებით მიმართავს. მესამე სექტორის წარმომადგენლებს მიაჩნით, რომ შესაბამისი უწყებები უნდა დაინტერესდნენ რა მიზნით იჩეხება მრავალწლოვანი ნარგავები ციხისძირში. მოძრაობის წევრების, განცხადებით საქმე მხოლოდ ერთ კონკრეტულ მცენარეს არ ეხება და ხეების მასიური მოთხრა, შესაძლოა გარემოპირობებზე ცუდად აისახოს. „მწვანე მუშტში“ ასევე აცხადებენ, რომ ფაქტზე მხოლოდ ერთი უწყება არ არის პასუხისმგებელი და ამაში ჩართულია რკინიგზის და საგზაო დეპარტამენტიც. მათივე მტკიცებით სამთავრობო უწყებები ყოფილი პრემიერ მინისტრის დაკვეთით მოქმედებენ.