16, სექტემბერი 2019 21:15:00
სააღმზრდელო პროცესი დაიწყო დღეს რეგიონის საჯარო ბაღებშიც. სასწავლო პროცესს, ბათუმის მასშტაბით, ორი ათას ხუთასამდე ახალი აღსაზრდელი შეუერთდა. ქალაქში, სულ 33 საბავშვო ბაღია, მათგან ორში, 27-ე და მე-5 ბაღებში, სარემონტო სამუშაოების გამო, სააღმზრდელო პროცესი დაახლოებით ერთი თვის დაგვიანებით დაიწყება. ბათუმში, სკოლამდელ დაწესებულებას მიღმა 1600 ბავშვი დარჩა. საბავშვო ბაღების გაერთიანებაში, მიზეზად, ქალაქის ურბანულ ზრდას ასახელებენ. ელექტრონული რეგისტრაციისას, მშობლების მიერ შევსებულ განაცხადებში პრიორიტეტის ან მისამართის შეცდომით მითითების გამო, ჩარიცხულ ბავშებს ხელახალი რეგისტრაცია და რიგში ლოდინი მოუწევთ.