23, სექტემბერი 2019 21:25:00
მკვლელობისთვის ბრალდებულები, ძებნილი და ნარკო რეალიზატორები - შეწყალებულთა 34 კაციანი სკანდალური სია, რომელიც საქართველოს პრეზიდენტის სალომე ზურაბიშვილი ხელმოწერილია. ქვეყნის პირველი პირის კიდევ ერთი მოულოდნელი გადაწყვეტილების შესახებ მედიაში დღეს გახდა ცნობილი.
შეწყალების სერია გრძელდება და ცნობილი ხდება, რომ სალომე ზურაბიშვილმა მკვლელობისთვის ბრალდებულებთან და ერთ ძებნილ პირთან ერთად ნარკორეალიზატორებიც შეიწყალა. მარიამობის სკანდალური შეწყლებების ფონზე იუსტუიციის მინისტრმა გვამცნო, რომ პრეზიდენტს იუსტიციის სამინისტროსთანკომუნიკაცია არ ჰქონია და უწყებას ზურაბიშვილის მიერ ხელმოწერილი შეწყალების აქტი პირდაპირ გადაეგზავნა. შეწყალებულთა სიაში მძიმე დანაშაულის ჩამდენ პირთა არსებობა თეა წულუკიანმა კამერებთან დღესაც დაადასტურმა.
რა კრიტერიუმებით ხელმძღვანელობს სალომე ზურაბიშვილი, რომელმაც შეწყალების არსებული პრაქტიკა დაიწუნა, ვინ მისცა რჩევები შესაწყალებელ პირთა შესახებ და როგორ ღებულობს გადაწყვეტილებებს ამის შესახებ ქვეყნის პრეზიდენტი არ საუბრობს. ოპოზიციაში მიაჩნიათ, რომ პრეზიდენტმა აღნიშნულთან დაკავშირებით განმარტებები აუცილებლად უნდა გააკეთოს.
პოლიტიკური პლათფორმა ,გირჩში“ ფიქრობენ, რომ კორუფციასთან ან გარიგებებთან დაკავშირებული ეჭვების გასაფანტად სალომე ზურაბიშვილმა განცხადება აუცილებლად უნდა გააკეთოს.
„შენების მოძრაობაში“ ვარაუდობენ, რომ სალომე ზურაბიშვილი მის მიერ გადადგმული ნაბიჯების ფონზე თანამდებობას საპრეზიდენტო ვადის დასრულებამდე დატოვებს. გიორგი მასალკინს მიაჩნია, რომ პრეზიდენტი პრობლემას უქმნის საკუთარ თავს, ხელისუფლებას და ქვეყანას.
პრეზიდენტმა რამდენიმე დღის წინ თქვა,რომ შეწყალება მისი დისკრეციული უფლებაა, რა დროსაც შეცდომას არ გამორიცხავს და ამ ფონზე შეწყალებაზე საერთოდ მორატორიუმი გამოაცხადა.