24, სექტემბერი 2019 20:35:00
ისევ სტიქიურ ზონაში ცხოვრების რისკი და ისევ ხელვაჩური. დღესაც მეწყერსაშიშ ზონაში მცხოვრებლების პრობლემებზე მოგიყვებით. სოფელ კაპრეშუმში გორგაძეები, მუნიციპალიტეტის ხელმძღვანელობის იმედად არიან. ერთადერთი შემოსავალი 6 წევრიან ოჯახში მოხუცების პენსიაა.
სოფელ კაპრეშუმში, ექვს წევრიან ოჯახში, ორი მცირე წლოვანი და ორი მედიკამენტოზური მკურნალობის, მუდმივი საჭიროების მქონე პენსიონერი, სტიქიურად საშიშ ზონაში, ცხოვრობს. ეთერ გორგაძის თქმით, მოხუცების პენსია, რომელიც მათთვის ერთადერთი შემოსავალია, ხშირად წამლებისა და საკვები პროდუქტებისთვის არ ყოფნით.
ეთერ გორგაძის თქმით, მუდმივ შიშში უწევთ ცხოვრება. გვიყვება, რომ არასაკმარისი ფინანსური შესაძლებლობის გამო, მუნიციპალიტეტის ხელმძღვანელობის იმედად არის დარჩენილი, თუმცა, როგორც თვითონ ამბობს, უწყების მხრიდან მათ მდგომარეობით არავინ დაინტერესებულა.
გორგაძეების საცხოვრებელი სახლი გეოლოგებმა, ჯერ კიდევ, 2016 წელს შეისწავლეს. აქ მცხოვრებლების თქმით, მდგომარეობა დღითიდღე უარესდება. განმეორებით ჩატარებულ ვიზუალურ საინჟინრო-გეოლოგიურ დასკვნაში კი ვკითხულობთ:
ხელვაჩაურის მერიაში გვითხრეს, რომ ოჯახის პრობლემას ადგილზე, გაეცნობიან. დადებითი დასკვნის შემთხვევაში მუნიციპალიტეტში პირობას დებენ, რომ საპროექტო სამუშაოები დაიგეგმება.
საინჟინრო კომისიის მხრიდან, ტერიტორიაზე ფერდსამაგრი სამუშაოების საჭიროების გამოვლენის შემთხვევაში მუნიციპალიტეტი ამ მიმართულებით თანხების გათვალისწინებას 2020 წლის ბიუჯეტში აპირებს.