26, სექტემბერი 2019 20:55:00
პარლამენტი მოსამართლეობის კანდიდატებს უსმენს. პროცესი 3 დღეა მიმდინარეობს, თუმცა საზოგადობის ყურადღება დღეს არა ფაქტმა, არამედ სხდომაზე დეპუტატების ხელჩართულმა დაპირისპირებამ მიიპყრო . ბესელიამ ზარდიაშვილს დღეს არაკაცი და ნაძირალა უწოდა და, უფრო მეტიც, ხელით შეეხო. რამ გამოიწვია კონფლიქტი საკანონმდებლო ორგანოს წევრებს შორის?
ია, ეკა ბესელიამ ვანო ზარდიაშვილს მას შემდეგ დაარტყა, რაც ზარდიაშვილმა ბესელიას მორალზე ცინიკური რეპლიკა გააკეთა. ფიზიკური დაპისპირება პარლამენტის იურიდიულ საკითხთა კომიტეტის სხდომაზე, უზენაესი სასამართლოს მოსამართლეობის კანდიდატის მოსმენისას მოხდა. ინციდენტი გედევან ფოფხაძის რეპლიკას მოჰყვა, როდესაც მან ვანო ზარდიშვილს უთხრა, რომ მისი პოზიცია და მორალი გარკვეულია.
უზენაესი სასამართლოს მოსამართლეობის კანდიდატების მოსმენაზე დეპუტატებს შორის დაპირისპირება დღეს პირველად არ მომხდარა. ბესელია -ზარდიაშვილის ინციდენტამდე ერთმანეთს სიტყვიერად - „ევროპული საქართველოს“ წევრი გიგა ბოკერია და საპარლამენტო უმრავლესობის წარმომადგენელი - დაჩი ბერაია დაუპირისპირდნენ. მათ შორის კამათი მას შემდეგ დაიწყო, რაც ბოკერიამ კითხვის დასმისას აღნიშნა, რომ მის გასაკვირად, უმრავლესობის წევრებს შორისაც არიან გონიერი ადამიანები. ამ ფრაზამ ქართული ოცნების დეპუტატის გაღიზიანება გამოიწვია.
კანონმდებლების კითხვებს დღეს უზენაესი სასამართლოს მოსამართლეობის კანდიდატი მირანდა ერემაძე პასუხობდა. მის მიმართ განსაკუთრებით მწვავე ეკა ბესელია, ლევან გოგიჩაიშვილი და გედევან ფოფხაძე იყვენენ, რომლებმაც ღიად თქვეს - რომ ერემაძისთვის ხმის მიცემას არ აპირებენ. სწორედ მოსამართლეთა სიის სკანდალის გამო ქართული ოცნებიდან დემარშით წასულმა დეპუტატებმა კანდიდატს სააკაშვილის მმართველობის დროს-განხილული საქმეები შეახსენეს და თქვეს, რომ წარსულში მიღებული გადაწყვეტილებები მას მოსამართლეობის უფლებას არ აძლევს.
მოსამართლე მირანდა ერემაძე ამტკიცებს, რომ მის მიერ მიღებული გადაწყვეტილებები პოლიტიკური ზეწოლის შედეგი არასდროს ყოფილა, თუმცა ამბობს იმასაც, რომ წინა ხელისუფლების დროს მოქმედი კანონმდებლობა მოსამართლეებზე ფსიქოლოგიური ზეწოლის შესაძლებლობას ქმნიდა.
შეგახსენებთ, უზენაესი სასამართლოს მოსამართლეობის კანდიდატურების განხილვა იურიდიულ კომიტეტში 3 დღის წინ დაიწყო. პარლამენტში უკვე მოუსმინეს- მერაბ გაბინაშვილს თამარ ალანიას და შოთა გეწაძეს. კანონმდებლები სულ იუსტიციის უმაღლესი საბჭოს მიერ შერცეულ მოსამართლეობის 20 კანდიდატს უნდა გაესაუბრნონ, მათ შორისაა ის ხუთი სადავო მოსამართლეც, რომლებიც, პარლამენტისთვის დეკემბერში წარდგენილ სიაშიც იყვნენ.