30, სექტემბერი 2019 20:50:00
სმენისა და მეტყველების არმქონე პირი, რომელსაც საჯარო უწყებები სოციალურ დახმარებაზე უარს ეუბნებიან. მარტოხელა კაცი,რომელიც ავაირულ სახლში ცხოვრობს. ჩვენი გადამღები ჯგუფი არკვევდა დღეს, რატომ არ აქცევს სახელმწიფო ბადრი დუმბაძეს სათანადო ყურადღებას? ხატია გოგრაჭაძე გიამბობთ
სმენისა და მეტყველების არმქონე, ბადრი დუმბაძე, დედის გარდაცვალების შემდეგ, მარტო დარჩა. შეზღუდული შესაძლებლობის მქონე პირი, რომელსაც მუდმივი მზრუნველობა სჭირდება, ავარიულ სახლში ცხოვრობს. მისი ერთადერთი შემოსავალი, მხოლოდ, სტატუსით მინიჭებული პენსიით, 100 ლარით განისაზღვრება. ბიძა, რევაზ დუმბაძე, გვეუბნება, რომ ცხოვრების ამ პირობების მიუხედავად, მარტოდ დარჩენილ შშმ პირს სოციალური დახმარება, მაღალი სარეიტინგო ქულის გამო, არ დაუნიშნეს.
ბადრი დუმბაძეს, საოჯახო საქმეებსა და ზამთრისთვის მომარაგებაში მეზობლები ეხმარებიან. მათთვის გაუგებარია, მაღალი სარეიტინგო ქულის მინიჭება, რომლის გამოც სმარტოხელას მენის არმქონე ადამიანს, სოციალურ დახმარებაზე უარი ეთქვა.
მარტოხელას სოციალური მდგომარეობა, 2018 წლის აგვისტოში, შეისწავლეს. სოციალური მომსახურების სააგენტოს ქობულეთის ფილიალის უფროსი პასუხისმგებლობას იმ მოტივით იცილებს, რომ ამ პერიოდში სააგენტოს თვითონ არ ხელმძღვანელობდა და შესაბამისად ვერ აკონკრეტებს, რის საფუძველზე დაუფიქსირდა ბადრი დუმბაძეს მაღალი სარეიტინგო ქულა.
მეურვის, რევაზ დუმბაძის, მტკიცებას, ქობულეთის მერიისთვის, დახმარების თხოვნით, სიტყვიერად, არაერთხელ მიმართვის შესახებ, უწყებაში იმით უპასუხეს, რომ აღნიშნულ მოქალაქეს მუნიციპალიტეტის ხელმძღვანელობისთვის ოფიციალური განცხადებით არ მიუმართავს. პრესცენტრში გვითხრეს, იმ შემთხვევაში თუ მოქალაქე განცხადებით მიმართავს, ადმინისტრაციულო ორგანო, საკითხს შესაბამისი უფლებამოსილების ფარგლებში განიხილავს.