დღეს ბათუმი მძღოლების პროტესტის ეპიცენტრად იქცა. მოძრაობა ფიროსმანის ქუჩაზე გადაიკეტა. ამ ფორმით თვითდასაქმებულებმა კიდევ ერთი ხაზის დამატება გააპროტესტეს. შეცვლის თუ არა მერია გადაწტვეტილებას და რამდენად აისახება საკრებულოს დადგებილება მათ შემოსავლებზე? ხატია გოგრაჭაძის რეპორტაჟდან გაიგებთ
21, 24, 31, და 32 სამარშრუტო ხაზზე მოძრავი მიკროავტობუსების მძღოლებმა, დღეს, ფიროსმანის ქუჩაზე, კიდევ ერთი ხაზის დამატება გააპროტესტეს. აქციის მონაწილეები მერიის იმ გადაწყვეტილების შეცვლას ითხოვენ, რომლის მიხედვითაც, პირველი ოქტომბრიდან სამარშრუტო ხაზი, 29 ნომრით, გორგასლის ქუჩიდან ამ ქუჩაზე გადაინაცვლებს.
აღნიშნულ საკითხზე დადგენილება საკრებულომ სამი თვის წინ მიიღო. მძღოლებამდე ამ ინფორმაციის მიტანა, გადამზიდ სატრანსპორტო კომპანიას ევალებოდა. თვითდასაქმებულების მტკიცებას, რომ ამის შესახებ მხოლოდ დღეს შეიტყვეს, კომპანიის წარმომადგენლები ეწინააღმდეგებიან.
ბათუმის მერიის საქალაქო ტრანსპორტის განყოფილებაში ამბობენ, რომ 29 -ე ნომრის მარშრუტის ცვლილება, თამარის დასახლებიდან, იუსტიციის სახლის მიმდებარედ, მგზავრთა გადაყვანას ემსახურება. ემზარ ქავჟარაძის თქმით, აქამდე აღნიშნულ დასახლებაში მცხოვრებლებს, ახალი ბულვარის ტერიტორიაზე მოსახვედრად, ორი ტრანსპორტის გამოცვლა სჭირდებოდათ.
მძღოლების თქმით, ფიროსმანის ქუჩა ნაკლებად მოძრავი მონაკვეთია, რაც მგზავრთა ნაკადის კლების ფონზე, მათი შემოსავლების შემცირებას გამოიწვევს. ამ მოტივით, საკრებულოს დადგენილების არ შეცვლის შემთხვევაში, ხსენებული ოთხი ნომრის სამარშრუტო ხაზის მძღოლები, გაფიცვას აანონსებენ.
1
s
s
s