01, ოქტომბერი 2019 20:45:00
დღეს ხანდაზმულების საერთაშორისო დღეა. რა სურთ მოხუცებს და როგორ ზრუნავს სახელმწიფო მათზე? როგორია მათი უფლებრივი მდგომარეობა ქვეყანაში, სადაც მოსახლეობის მეხუთედი საპენსიო ასაკსაა მიღწეული? ჩვენი გადამღები ჯგუფი დღეს წმიდა დიდმოწამე ეკატერინეს სახელობის სათნოების სავანეში იმყოფებოდა.
ნანა თოდრია, პროფესიით ექთანი, უკვე მესამე წელია, ბათუმში, წმიდა დიდმოწამე ეკატერინეს სახელობის სათნოების სავანეში ცხოვრობს. ამბობს, რომ აქ ცხოვრებას უკვე შეეგუა, თუმცა სახლი მაინც ძალიან ენატრება.
იზო ხუხუნაიშვილი, 14 წელია სათნოების სახლში ცხოვრობს. მიუხედავად იმისა , რომ ცხოვრების მეოთხედი აქ გაატარა, საკუთარი სახლის მსგავსი, სითბო და სიყვარული, არსად ეგულება.
74 წლის, ციური ბებო, ამბობს, რომ აქ კარგად უვლიან. გვიყვება, რომ სათნოების სახლში შვილის გარდაცვალების შემდეგ აღმოჩნდა. ერთადერთი ადგილი, სადაც გული მიუწევს, შვილის საფლავია.
ლაურა სიხარულიძე, რომელსაც, სხვადასხვა, დაავადება აწუხებს ამბობს, რომ აქ ისე უვლიან, როგორც საკუთარ სახლში. გვითხრა, რომ აქ დროს საინტერესოდ ატარებს და უამრავი მეგობარი შეიძინა.
მესამე სექტორში თვლიან, რომ მოხუცებს საზოგადოებაში ღირსეული ადგილი დაკარგული აქვთ. ორგანიზაცია თაობაში ამბობენ, რომ ხანდაზმულები მოქალაქეებისგან გარიყულნი არიან. უჩა ვახანიას თქმით, სახელმწიფო ვალდებულია იზრუნოს მოხუცებზე და საუბრობს კონკრეტულ შესამუშავებელ პროგრამებზე, რომლებიც დღის ცენტრისა და შინმოვლის პრაქტიკის დანერგვას გულისხმობს.
ხანდაზმულების დღე, პირველ ოქტომბერს 2016 წლიდან აღინიშნება. ბათუმში წმიდა დიდმოწამე ეკატერინეს სახელობის სათნოების სავანეში,სადაც 115 ამდე მოხუცი ცხოვრობს