უკანონო მშენებლობა ქალაქის ცენტრში, იქ სადაც თავად მაკონტროლებელი ორგანო მდებარეობს. მოქალაქემ დემეტრე თავდადებულის ქუჩაზე ობიექტი ისე ააშენა , რომ მერიამ ამის შესახებ არაფერი იცოდა. როგორ ვერ შენიშნა სახლი მერიის ზედამხედველობის სამსახურმა? ჩვენი რეპორტიორი გიამბობთ
ბათუმში, დემეტრე თავდადებულის 48 ნომრის მიმდებარედ მცხოვრებლებისთვის, გაუგებარია, რატომ არ აძლევს მერია მშენებლობის უფლებას მესაკუთრეს, იმ ფონზე, როცა ამ ტერიტორიაზე სხვა მრავალსართულიანი შენობები დგას.
კულტურული მემკვიდრეობის ზონალურმა საბჭომ პროექტის შეთანხმებაზე უარი თქვა. სააგენტოში გვითხრეს, რომ ეს მშენებლობა ძეგლთა ვიზუალური დაცვის არეალში ხვდება.
ბათუმის მერიის ზედამხედველობის სამსახურში ამბობენ, რომ თამარ როყვამ უწყებას 5 სართულიანი ნაგებობის აშენების მოთხოვნით, თვენახევრის წინ მიმართა. ირაკლი მოქიას თქმით, მას აღნიშნულ მოთხოვნაზე უარი ეთქვა, თუმცა, ტერიტორიაზე კარკასის სახით რვა სართული უკვე აშენებული, მეცხრე სართულისთვის კი, ხიმინჯები გამზადებულია.
მოქალაქე თამარ როყვამ ჩვენთან სატელეფონო საუბარში განაცხადა, რომ დანაშაულს აცნობიერებს და მერიის მოთხოვნის შემთხვევაში, მზადაა შენობის სრული დემონტაჟი განახორციელოს.
მესაკუთრემ რვა სართულიანი შენობა ბათუმის მერიის ნებართვის გარეშე, უწყებიდან ოთხ კვარტალში ააშენა. რატომ არ ჰქონდა ინფორმაცია, მრავალსართულიანი მშენებლობის შესახებ მუნიციპალიტეტის ხელმძღვანელობას? კითხვას უწყებაში იმით პასუხობენ, რომ მშენებლობა მოკლე დროში, ერთ თვეში განახორციელდა და პროცესი ვერ შეამჩნიეს.
მას შემდეგ, რაც მედია აღნიშNული თემით დაინტერესდა მესაკუთრემ, მეცხრე სართულისთვის გამზადებული ხიმინჯების დემონტაჟი განახორციელა. მერიაში ამბობენ, რომ უწყების 9 სექტემბრის დადგენილების შესაბამისად, თამარ როყვას, შენობის სრული დემონტაჟისთვის, ერთ კვირიანი ვადა აქვს.
1
s
s
s