სკანდალური აღიარება, რომელმაც შესაძლოა ქურდების გახმაურებული სქმე თავდაყირა დააყენოს. ტვ 25- მა ჩანაწერი მოიპოვა, სადაც საქმის მთავარი მოწმე სახელმწიფო ბრალდების მხრიდან ზეწოლაზე საუბრობს. კობა კახაბერიძე ყვება, როგორ აიძულეს მას სამუდამო პატიმრობის მუქარით ცრუ ჩვენების მიცემა. აღიარების მიუხედავად ახლა მოწმე თავს დაუცველად გრძნობს და მედიისა და მესამე სექტორის იმედად რჩება.
თემის დეტალებით სულხან მესხიძე შემოგვიერთდება ახლა. სულხან რა ინფორმაციას ფლობ თემის შესახებ , რა თქვა საქმის მთავარმა მოწმემ?
სკანდალური აღიარება, რომელმაც შესაძლოა ქურდების გახმაურებული სქმე თავდაყირა დააყენოს. „TV 25“- მა ექსკლუზიური ჩანაწერი მოიპოვა, სადაც საქმის მთავარი მოწმე სახელმწიფო ბრალდების მხრიდან ზეწოლასა და შანტაჟზე საუბრობს. კობა კახაბერიძე ყვება, როგორ აიძულეს მას სამუდამო პატიმრობის მუქარით ცრუ ჩვენების მიცემა. აღიარების მიუხედავად ახლა მოწმე თავს დაუცველად გრძნობს და მედიისა და მესამე სექტორის იმედად რჩება. თემის დეტალებით სულხან მესხიძე შემოგვიერთდება მთავარ გამოშვებაში.
ჩანაწერის მიხედვით ირკვევა, რომ სახელმწიფო ბრალმდებელმა მოწმეს ცრუ ჩვენების მიცემა ძალდატანებით აიძულა. კობა კახაბერიძე, რომლის ჩვენების საფძველზეც ბადრი ქობულაძეს ქურდული სამყაროს წევრობის ბრალდებით ბათუმის საქალაქო სასამართლომ 5 წლით თავისუფლების აღკვეთა შეუფარდა ამტკიცებს, რომ პროკურატურის და შინაგან საქმეთა სამინისტროს თანამშრომლები მას ნარკოტიკული ნივთიერების ჩადებით და სამუდამო პატიმრობით დაემუქრნენ.
სკანდალური ჩანაწერიდან ირკვევა, რომ მოწმეს სახლში ნარკოტიკული ნივთიერება ,,ჰეროინი“ მიუტანეს და უთხრეს, რომ მას სასამართლო პროცესზე უნდა ეთქვა, რომ ბადრი ქობულაძე 20 ათას ლარს სძალავდა. წინააღმდეგ შემთხვევაში ნარკოტიკი ,,მისი“ გახდებოდა და სამუდამო პატიმრობისთვის იყო განწირული. იგივე გაუმეორეს მას პროკურატურის შენობაშიც. კობა კახაბერიძემ აღნიშნული პირების სახელები და გვარები არ იცის, თუმცა მათი ვიზუალურად ამოცნობა შეუძლია. მოწმე ამბობს, რომ ბრალდებულს არც კი იცნობს და სასამართლოში მისი მიყვანა პოლიციამ უზრუნველყო.
ბრალდებულის ადვოკატი ამბობს, რომ ზარზეიმით გახსნილი საქმისთვის სათანადო ორგანოებს მოწმეების დაშანტაჟება დასჭირდა.
შეგახსენებთ, ქურდული სამყაროს წევრობისა და ქურდულ გარჩევებში მონაწილეობისთვის 9 ადამიანი გასული წლის 17 ივლისს დააკავეს. მათ ე.წ. ,,ქურდული ობშიაკისთვის“ თანხის შესავსებად ადამიანებზე ძალადობაში ედებოდათ ბრალი. საბოლოოდ მათ სხვადასხვა სახის სასჯელი შეეფარდა. ერთი ბრალდებული კი ჯანმრთელობის მდგომარეობის გამო სასამართლო დარბაზიდან გათავისუფლდა. სკანდალურ ჩანაწერთან დაკავშირებით ჩვენ პროკურატურისგან განმარტებებს ვითხოვდით, თუმცა უწყების პრესცენტრში ჩვენს სატელეფონო ზარებს არ უპასუხეს. ია, ბუნებრივია TV 25 ამ საქმეს დააკვირდება და ახალი დეტალების შესახებ ჩვენს მაყურებელს მომდევნო გამოშვებებში გავაცნობთ.