სოფლის რწმუნებულები საჯარო მოხელეები ვეღარ იქნებიან. სტატუსი მათ ახალი კანონით მოეხსნება, რომელიც ძალაში სავარაუდოდ მალე შევა. საკანონმდებლო ორგანო ახლა განხილვის პროცესშია. არასამთავრობო ორგანიზაცია დასამქებულების პარტიული ნიშნით გამოყენების საფრთხეებზე ალაპარაკდა. კიდევ რა უარყოფით პრაქტიკას დანერგავს დოკუმენტი?
მესამე სექტორის შეფასებით, აღნიშნული ადამიანური რესურსი, შესაძლოა, ხელისუფლების მხრიდან პარტიული დავალებების გასატარებლად იქნას გამოყენებული. „საერთაშორისო გამჭვირვალობა - საქართველოში“ თვლიან, რომ უმრავლესობა 2020 წლის არჩევნებისთვის, მოსახლეობაზე ზემოქმედებისთვის ბერკეტის შექმნას ცდილობს. მალხაზ ჭკადუას თქმით, მსგავსი ქმედებები, წინა საარჩევნო პერიოდს დაუცველს და რადიკალურს გახდის.
ხელისუფლების ოპონენტებს მიაჩნიათ, რომ კანონპროექტი არჩევნებზეა ორიენტირებული. „ნაციონალური მოძრაობის“ წევრის თქმით, მთავრობა ყველა ფორმით ცდილობს გავლენა მოახდინოს საჯარო მოხელეებზე.
ორგანიზაცია „გირჩისთვის“ გაუგებარია არგუმენტები, რომლითაც კანონპროექტის ინიციატორები იდეას ამართლებენ. თუმცა, გიორგი ფუტკარაძე, თემის წარმომადგენლის სტატუსის ცვლილებით, რისკებს ვერ ხედავს. მისი თქმით, ხელისუფლებას, სურვილის შემთხვევაში, სხვა საშუალებებითაც შეუძლია ამომრჩეველზე ზეგავლენის მოხდენა.
აჭარის უმაღლესი საბჭოს თავმჯდომარის თქმით, რწმუნებულების სტატუსზე პრეტენზიები ადრეც ჰქონდა. დავით გაბაიძის შეფასებით, „სოფლის რწმუნებულების“ საქმიანობა პროფესიული საჯარო მოხელის სტანდარტში არ ჯდება.
„საჯარო სამსახურის შესახებ“ კანონში განსახორციელებელი ცვლილებების პროექტი, პარლამენტს, „ქართული ოცნების“
კანონპროექტის მიხედვით, „სოფლის რწმუნებულის“ სტატუსი საჯარო საქმიანობად აღარ ჩაითვლება და ადმინისტრაციულ ერთეულებში მერის წარმომადგენელი ხელშეკრულების საფუძველზე დასაქმდება. დაგეგმილი ცვლილებები, პარლამენტმა განსახილველად, პირველი მოსმენით, უკვე, მიიღო.
1
s
s
s