16, იანვარი 2017 11:29:00
ბარჟა, რომელზეც 37 მეტრის 220 ტონიანი მაგნოლია იყო განთავსებული, ბობოყვათიდან გურიის მიმართულებით დღეს, დაახლოებით 2 საათზე დაიძრა. ასწლოვან ხეს ზღვით ტრანსპორტირებისთვის დაახლოებით 3 საათი დასჭირდა. მაგნოლია ბიძინა ივანიშვილის დენდროლოგიურ პარკში სავარაუდოდ ხვალ გადაირგვება. გიგანტური მაგნოლიის ხის გადატან გუშინ იგეგმებოდა თუმცა უამინდობის გამო გადაიდო.
აჭარიდან გურიის მიმართულებით ხის გადატანასთან დაკავშირებით საზოგადოების აზრი ორად გაიყო. მოსახლეობის ნაწილი ამბობს, რომ სამუშაობის მიმდინარეობისას პრობლემები შეექმნათ, ნაწილი კი ბიძინა ივანიშილს ახალი ხეების დარგვას ურჩევს.
ხის გადატანა კომპანია "ზიმომ" უზრუნველყო. ირაკლი შანავა ამბობს, რომ სამუშაოებისას დაშვებული ხარვეზები უკვე აღმოიფხვრა.
220 ტონიანი მაგნოლია მეორე ხეა, რომელიც აჭარიდან გურიაში ზღვის გავლით მოხვდა. ბიძინა ივანიშვილის გადაწყვეტილებით, გასული წლის მარტში დენდროლოგიურ პარკში ტიტას ხე გადაიტანეს. გავრცელებული ინფორმაციით, აჭარიდან შკვეთილის დენდროლოგიურ პარკში 50-მდე ეგზოტიკური ხის გადატანა იგეგმება.