უკვე ოთხი თვეა ექსპერტების სპეციალური ჯგუფი მთელი ქვეყნის მაშტაბით ანტიკვარულ ავეჯს და ნივთებს აგროვებს. ნივთებს ეძებენ არა მხოლოდ სპეციალურ მაღაზიებში, არამედ ოჯახებშიც. ინფორმაციას ამის შესახებ მთავარი არხი ავრცელებს. ორბელიანის სასახლის საპრეზიდენტო ფლიგელი ანტიკვარული ავეჯით მოწყობა სავარაუდოდ თავად პრეზიდენტმა მოითხოვა.
სახელმწიფო დაცვის სპეციალური სამსახურის უფროსი ანზორ ჩუბინიძე ადასტურებს, რომ საპრეზიდენტო სასახლისთვის ავეჯის შესყიდვა მიმდინარეობს. მის სამსახურს ექვემდებარება უზრუნველყოფის სამსახური, რომელიც ამ პროცესში აქტიურად არის ჩართული. სპეციალურად შეიქმნა კომისია, რომელშიც პრეზიდენტის ადმინისტრაციის თანამშრომლები, ექსპერტები და უზრუნველყოფის სამსახურის წარმომადგენლები შედიან. ექსპერტები ამოწმებენ, ნამდვილია თუ არა ანტიკვარიატი.
ანზორ ჩუბინიძე მთავარ არხთან ინტერვიუში ამბობს, რომ დავალება მათმა სამსახურმა პრეზიდენტის ადმინისტრაციიდან მიიღო და ამ მიზნისთვის ბიუჯეტიდან ფულიც გამოიყო. ჩუბინიძის თქმით ექსპერტებმა შეაფასეს ავეჯი, შემდეგ იყო შევაჭრების ეტაპი, შემდეგ დადგინდა ფასები და ეს თანხა გადაუხადეს ანტიკვარული ავეჯის პატრონებს.
ჩუბინიძე ამბობს, რომ თანხა სოლიდურია, მაგრამ რაც მოხდა, იმსახურებს ამ თანხას, რადგან სამუზეუმო ექსპონატები განადგურებას და დაკარგვას გადაურჩა. ისინი განახლდა და დაიდგმება რეზიდენციაში.
მთავარის ინფორმაციით ბიუჯეტიდან გამოყოფილი მილიონნახევარი ლარი საიდუმლო შესყიდვის გრფით გამოიყო და ნივთები ტენდერის და კონკურსის გარეშე შეიძინეს, მათ შორის თანამედროვე ავეჯიც, რომლითაც რეზიდენციის ერთი ნაწილი მოეწყობა. მთავარის ინფორმაციით კომპანია, რომლისგანაც პრეზიდენტის რეზიდენციისთვის თანამედროვე ავეჯი შეიძინეს ადმინისტრაციის უფროსის, დიმიტრი გაბუნიას მეგობარს ეკუთვნის.
1
s
s
s