11, ოქტომბერი 2019 20:55:00
დატოვებს თუ არა ბათუმის ყოფილი მერი საპატიმროს გირაოს ნაცვლად? გადაწყვეტილებას მოსამართლე დავით მამისეშვილი 15 ოქტომბერს გამოაცხადებს. მომავალი კვირის სამშაბათს გახდება ცნობილი ასევე გათავისუფლდებიან თუ არა არჩილ ვანაძე და ეგარსლან ლომაძე.საქმეზე ახალი გარემოებების გასაცნობად მოსამართლემ დრო ითხოვა. დღეს ადვოკატმა თქვა, რომ სასამართლოს მერიასთან გაფორმებული ხელშკრულება წარუდგინა, რომლის მიხედვითაც გიორგი ერმაკოვის დედის და არჩილ ვანაძის მამის ქონება დაყადაღდება. გამამტყუნებელი განაჩენის შემთხვევაში, კი ზიანი ჩადებული ქონებიდან ანაზღაურდება. ბათუმის მერიის 4 მაღალჩინოსანი სასამართლომ 24 სექტემბერს გაათავისუფლა. გიორგი ერმაკოვი, არჩილ ვანაძე, ეგარსლან ლომაძე კი პატიმრობაში დატოვა. დავის საგანი “იაფი სახლის” პროექტია. პროკურატურის ვერსიით, გაიფლანგა 1 მილიონ 370 ათასი ლარი. საქმეზე დაზარალებულის სტატუსი ბათუმის მერიას აქვს.