14, ოქტომბერი 2019 12:42:00
იაპონიაში 36-მდე გაიზარდა დამანგრეველი ტაიფუნის „ჰაგიბისის“ შედეგად დაღუპულთა რაოდენობა. ადგილობრივი მედიასაშუალებების ცნობით, 14 ოქტომბრის დილის მდგომარეობით, დაკარგულად ითვლება 17 ადამიანი.
ტაიფუნმა, რომელიც იაპონიას თავს გასული კვირის ბოლოს დაატყდა,15 პრეფექტურაში წყალდიდობა და მეწყერი გამოიწვია. ოცამდე მდინარეზე დანგრეულია დამბები. ყველაზე მეტად დაზარალდა ნაგანოს პრეფექტურა. ტოკიოსა და მის შემოგარენში ელექტროენერგიის გარეშეა 50 ათასზე მეტი შენობა.