15, ოქტომბერი 2019 20:45:00
ახლა კი მოგიყვებით ოლექციონერზე, რომელიც პარალელურად სამეურნეო საქმიანობითა და მცირე ბიზნესითაა დაკავებული. გოჩა დუმბაძე ქალაქიდან სოფელში 20 წლის შემდეგ დაბრუნდა და რამდენიმე საქმიანობას მიჰყო ხელი. ახალგაზრდა კაცი ახერხებს იმუშაოს ჰოსტელში, აწარმოოს ეკოლოგიურად სუფთა პროდუქცია, დაკავდეს სოფლის მეურნეობით და დრო დაუთმოს საკუთარ ჰობს.
ყველაფერი მას, შემდეგ დაიწყო, როდესაც ექიმებმა რთული დიაგნოზი დაუსვეს. ჯანმრთელობის პრობლემებს, მუდმივი მკურნალობა და ცხოვრების ჩვეული სტილი შეცვლა მოჰყვა. სირთულეების გადასალახად, ქალაქიდან სოფელში დაბრუნება გადაწყვიტა და წინაპრების მიერ, წლების წინ აშენებული ხის საცხოვრებელი სახლის დაკეტილი კარებიც ოცი წლის შემდეგ გააღო. ძველი იერსახის შენარჩუნებით, სახლის მეორე სართული შეაკეთა და ჰოსტელად მოაწყო. სახელიც ფსევდონიმიდან აიღო - „იო რუმმა“ გახსნიდან დღემდე, მსოფლიოს სხვადასხვა ქვეყნის არაერთ ვიზიტორსაც უმასპინძლა.
გოჩა, ახლა აგოთაში, მამა-პაპისეულ სახლში მარტო ცხოვრობს. სოფელში დაბრუნების პარალელურად თავი მეურნეობას მიჰყო. წლების წინ გაშენებული თხილის ბაღი გააცოცხლა და კარგი მოსავალიც მიიღო. თხილთან ერთად, საკარმიდამო ტერიტორიაზე, ქართული კაკლის ძველი ხეების ჩანაცვლება გადაწყვიტა, რისთვისაც ყუთებში, სპეციალურად ნერგები გამოჰყავს. ბიო პროდუქტის საწარმოებლად, შინაური ფრინველიც მოაშენა და პარალელურად, სუფთა ჭაჭას ხდის.
გოჩა კოლექციონერია, სხვადასხვა ქვეყნის კუპიურებსა და მონეტებს ბავშვობიდან აგროვებს. წლების განმავლობაში შეგროვებულ მსოფლიო ვალუტას კი ერთ სეიფში საგულდაგულოდ ინახავს და მისი კარებიც მხოლოდ იშვიათად იღება. მონეტებს გვაჩვენებს, პარალელურად მათ სიძველესა თუ ღირებულებეზე გვესაუბრება.
მრავალმხრივი ინტერესის მქონე ქედელი კოლექციონერი სამომავლოდ ჰოსტელისა და მეურნეობის გაფართოებას აპირებს. ამბობს, რომ საჭიროებიდან გამომდინარე, ცხოვრების სტილის შეცვლამ, სამყარო სულ სხვა სახით დაანახა, ცხოვრების ფასი ისწავლა და დროის ფუჭად გატარებას არ აპირებს.