18, ოქტომბერი 2019 17:22:00
ჭიათურაში, დარკვეთის მაღაროში მუშა დაიღუპა. უბედურ შემთხვევას 29 წლის კაცი ემსხვერპლა. გავრცელდა ინფორმაცია, რომ სამუშაოების მიმდინარეობისას მიწის მასა ჩამოიშალა. თუმცა ინციდენტთან დაკავშირებით, „ჯორჯიან მანგანეზმა“ შიდა მოკვლევა დაიწყო. „პირველადი მონაცემებით, შემთხვევა, რამაც გაგა ბოჭორიშვილის სიცოცხლე იმსხვერპლა, ავარიული შემთხვევით, მიწის მასის ჩამოშლით ან ტექნიკური გაუმართაობით არ იყო გამოწვეული“-წერია გავრცელებულ განცხადებაში. ფაქტს შინაგან საქმეთა სამინისტო იძიებს.