18, ოქტომბერი 2019 17:10:00
ქობულეთში, სოფელ ცეცხლაურში ნაგავსაყრელის მშენებლობას მოსახლეობის ნაწილი კვლავ აპროტესტებს. ადგილობრივები მოსალოდნელ საფრთხეებზე საუბრობენ. საკითხთან დაკავშირებით ადგილობრივებს აჭარის მთავრობის წარმომადგენლები შეხვდნენ, თუმცა მხარეები ვერ შეთანხმდნენ. პროექტის ფარგლებში, ახალი ნაგავსაყრელის პოლიგონისა და მისასვლელი გზის მშენებლობა, საჭირო დანადგარების შეძენა მოხდება. პროექტის საერთო ღირებულება 7 მილიონი ევროა. აქედან 3 მილიონი ევრო EBRD - ის გრანტია.