18, ოქტომბერი 2019 16:40:00
„აჭარა ტექსტილი“ ქობულეთში, სოფელ ბობოყვათში წარმოებას აფართოებს და დამატებით 2 მილიონი ლარის ინვესტიციას ახორციელებს. მიმდინარეობს ახალი საწარმოს მშენებლობა. გაზრდილი ინვესტიციის ფარგლებში, „აჭარა ტექსტილის“ სამივე საწარმოში, დამატებით 1000 ადამიანი დასაქმდება. ბობოყვათში მდებარე საწარმოში სპორტული ტანსაცმელი მსოფლიოში წამყვანი სპორტული გუნდებისთვის და სხვადასხვა ეროვნული ნაკრებისთვის იკერება.ქართული ექსპორტიორი კომპანია შპს „აჭარატექსტილი“ საფეიქრო მრეწველობის სფეროში 2008 წლიდან მოღვაწეობს.